KarmaN 敏敏=]

一早被嘈吵的聲音喚醒了
被罵的人是我,罵人者是爸
佢搵極都搵唔到鎖匙
就發泄係我度
事因佢嫌廳燈唔夠光,,睇唔清楚野
而佢話係我換左佢GE燈(我只係拎咩左)
整到暗
[話我冇當過佢係老豆
唔駛搵食牙]
大聲啪門之類
所以我早上就聽到"XXX"之類形容我
破口大罵,叫我嫌光GE就搬出去住
可見佢有幾嬲!!

不幸的是我今日唔駛返學
咩都聽到晒,先知情況嚴重
先是憤怒,再來的是悲痛
聽著聽著,都哭了

今朝佢以為我唔係度
今晚補完習返黎就會見到佢
我今晚死得.......唔知點面對
實比佢罵到狗血淋頭
如果佢今日頭頭碰著黑,
佢會入埋我數
咁我就死多兩錢重

再冇勇氣行入家門
要扮今朝咩都聽唔到,唔知佢有幾嬲

五倫關係中,父子一倫破壞左
佢冇父慈,我冇子孝
呢一點無可否應
我的而且確係好衰,冇盡孝悌
就算口講有幾錫都冇用
比錢都唔等於咩野
因為你發惡的時候我已經受到傷害了
用錢唔能夠彌補我的心靈
雖然你能夠滿足我物質上的所需
不過呢D唔係愛,真正的愛唔應該涉及錢
唔係話比錢仔女就叫做好錫

我覺悟了

想要離開,想要自己話事
就要努力讀書,只有這樣我先有錢搬離呢度
我敢講,只要呀媽死左,呢個家就會散
到時我和哥哥都會離開呢度住
相信冇人會理佢,佢只好走返大陸,
當發左場惡夢...........

我下定決心要努力讀書
到左今日終於知道讀書的意義
唔駛好似呢幾個月咁迷失左

今日打呢篇係要提醒自己

努力讀書的重要性
只有這樣才可以有美好的生活
所以我會多去自修室溫書!
不應該因為考試到先臨時抱佛腳
曾經有人說過要每日溫書
我現在就要嘗試這樣!